Jee Le

Ye zindagi hai thodi si, par raah nahi hai aasaan..
Kabhi hai khushiyon ki barsaat, to kabhi hai dard ke toofaan…

Thodi si khushiyaan de de,
aur le le thode se gam,
Par dil jaise chahe waise jee le,
Kabhi thoda zyada to kabhi thoda kam…

Dukh mein bhi hasne ke liye,
Bana le kuch dost..
Aur zindagi mein pyaar bhar ne ke liye
Chun le ek jeevansaathi…

Phoolon ki khushboo ko mehsoos kar le,
Chalti hui hawaon ko thoda sa choo le…
Aur khule aasmaan mein, apne armaano ko
Panchiyon ki tarah zara sa khula bhi chod de….

Bhar le aankhon mein kuch sapne…
Aur bana le unko raahi apne …
Unhe toot ke bikhar te hue bhi dekh le
Aur unhe poora hone ki aankhon mein khushi bhi dekh le..

Thodi si khushiyaan de de,
Aur le le thode se gam,
Par dil jaise chahe waise jee le,
Kabhi thoda zyada to kabhi thoda kam…

Ye zindagi hai thodi si, par raah nahi hai aasaan..
Kabhi hai khushiyon ki barsaat, to kabhi hai dard ke toofaan…